ელჩის, ირაკლი ხუცურაულის შეხვედრა შვედ ჟურნალისტებთან

2024 წლის 21 ნოემბერს, შვედეთის სამეფოში საქართველოს საგანგებო და სრულუფლებიანმა ელჩმა, ირაკლი ხუცურაულმა, შეხვედრა გამართა შვედური სამოგზაურო ჟურნალის, “FreedomTravel.se”-ის რედაქტორებთან, ჰელენა და პეტერ ბერგსტრომებთან, ასევე დამოუკიდებელ ჟურნალისტთან, ჰელენე ლუნდგრენთან.

შვედი ჟურნალისტები საქართველოში პრეს-ტურის ფარგლებში იმყოფებოდნენ, რომელიც საქართველოს საელჩოს ორგანიზებითა და ჩართულობით, ასევე, საქართველოს ტურიზმის ეროვნული ადმინისტრაციის მხარდაჭერით გაიმართა.
პრეს-ტურმა მოიცვა ქვეყნის ძირითადი ტურისტული მიმართულებები: თბილისი, მცხეთა, თელავი, ყაზბეგი, უფლისციხე, ბორჯომი და ბათუმი.

შვედური მედიის წარმომადგენლები საქართველოს შესახებ სტატიებს მომავალშიც მოამზადებენ და გამოაქვეყნებენ “Freedom Travel.se”-ის მკითხველებისა და სოციალური ქსელების მომხმარებლებისთვის, რაც საქართველოს ტურისტული პოტენციალის შესახებ ცნობიერების ამაღლებას კიდევ უფრო შეუწყობს ხელს.

უკვე გამოქვეყნებული სტატიები საქართველოს შესახებ შეგიძლიათ იხილოთ ბმულზე: https://www.freedomtravel.se/?s=Georgien