ელჩის, ირაკლი ხუცურაულის შეხვედრა შვედეთის საგარეო საქმეთა მინისტრ მარია სტენერგარდთან
2025 წლის 23 იანვარს, სტოკჰოლმში, ევროკავშირის საბჭოს პოლონეთის თავმჯდომარეობის ინიციატივით, შვედეთის საგარეო საქმეთა მინისტრი მარია სტენერგარდი ევროკავშირის წევრი და კანდიდატი ქვეყნების დიპლომატიური მისიების ხელმძღვანელებს შეხვდა.
შეხვედრაზე, რომელსაც კოლეგებთან ერთად შვედეთის სამეფოში საქართველოს საგანგებო და სრულუფლებიანი ელჩი ირაკლი ხუცურაული ესწრებოდა, განხილულ იქნა შვედეთის საგარეო პოლიტიკის აქტუალური საკითხები და პრიორიტეტები.
მინისტრის მოხსენების შემდგომ გამართული დისკუსიების ფარგლებში, საუბარი შეეხო შვედეთის ხედვასა და მიდგომას მსოფლიოში მიმდინარე პროცესებთან მიმართებით.
